اساسيات التحليل الفني (بشكل مبسط) عشان تبحر في عالم الكربتو بروحك

السلام عليكم 🌊🕵🏻‍♂️🌪

راح اعلمكم كيف نقرا الشارت

اساسيات التحليل الفني (بشكل مبسط) عشان تبحر في عالم الكربتو بروحك

بعلمك كيف انا تعلمت وايش تحتاج من ادوات

بسميها #رحله_المليون_محلل 😁

(مليون = كنايه)

نفس ماتعلمت انا بتقدر تتعلمون وتصيرون احسن

موقع

 TradingView – Track All Markets

ادخل وسجل حساب (اختار مجاني) بدون فلوس

هذا الموقع اللي نقرا منه الشارتات ونستخدم المؤشرات

وهذا فيديو لقيته باليوتيوب شرح حلو

(ماعليكم من الشغلات الي ماتفهمونها)

اهم شي اعرف كيف تسجل ودخل عالشارت

الباقي بنتعلمه ان شاء الله

ماذا تعنيلك الشموع بالشارت؟؟

صوره تختصر عليك الشموع اللي بالشارت بعيدا عن الانواع والاشكال..

الجواب: الاخضر يعني شراء (الطلب عالي)

الاحمر يعني بيع (العرض عالي)

المساله: عرض Vs طلب

الحين عرفنا الموقع 

وعرفنا يعني ايش الشمعة

الحين راح الشموع صار لها معنى 👌👌

انزين الحين عرفت الشموع

وسجلت بالموقع

الخطوه القادمه نعرف

ماهو الترند لاين؟

(خط الاتجاه)

باختصار هو اتجاه الشموع سواء اتجاه صاعد او هابط

ف نسميه: ترند صاعد وترند هابط << بتمر عليكم واجد

وطريقه رسمتها سهله

تشبك القيعان مع بعض بالترند الصاعد 📈

وتشبك القمم مع بعض بالترند الهابط 📉

الترند لاين

الترند لازم يشبك اقل شي نقطتين

وكل ما كثرت النقاط اللي شبكتها كثر ماصار اقوى الترند 🌊🕵🏻‍♂️🌪

مثال عمله BTCST

الترند الهابط كان قوي لانه يشبك نقاط كثيره

لذلك لما اخترق الترند الهابط

تغير الاتجاه وارتفعت العمله ارتفاعات طيبه

طبعا انا راسم ترندين هابطين 📉

على اي فريق ارسم الترند؟ 🕵🏻‍♂️🌪

- للمستثمر مدى بعيد:

ترسمه على الشهري او الاسبوعي

- للمتداول(مدى متوسط):

يرسمه على اليومي

- للمضارب(متوسط)

يرسمه على ٤ ساعات و ساعه

- للمضارب اليومي:

يرسمه على الساعه والربع ساعه

شخصيا ارسمه على اليومي بالكربتو لان اشوفه دقيق

انواع الترند لاين:

١- اساسي/رئيسي: 

 ترسمه على فتره طويله عادة يكون من سنه واكثر

٢- ثانوي/فرعي:

 يكون داخل الترند الرئيسي يعني مده اقصر تتراوح من ١٠ ايام الى ٣ اشهر

٣- قصير: 

اصغر من الفرعي ومدته تتراوح من ٣-٤ ايام

المهم بالسالفه ان الترند الكبير يعطيك فكره عن توجه السوق العام

وهذي صوره توضيحيه على رسم الترند لاين من شهر ٣-٢٠٢٠ الى اليوم

ترند رئيسي مدته اكثر من سنه

لذلك الترندات اللي تشوف ارسمها بالبتكوين تكون ثانويه لان مدتها ايام الى اسابيع

افتح الشارت واشبك ذيول الشموع

المساله بسيطه

اذا اكتشفت الترند (توجه) السوق،، راح تحصل فرص طيبه 🙏🏻

 ماهو الدعم والمقاومه؟

بكل بساطه

- المقاومه:

الخط اللي بالاصفر منطقه يغلب فيها العرض ويقل فيها الطلب ف تعتبر منطقه يهبط عندها السعر واختراقها يفتح مناطق جديده

- الدعم:

الخط الاحمر ويكون الطلب اعلا من العرض ويرتد منها السعر للاعلى

نفس مفهوم الترند،، بس اشبك نقاط بالعرض

على اي فريم ارسم الدعم والمقاومه..؟

على حسب طريقتك

غالبا ارسم الدعم والمقاومه على اعلا فريم

مثال اذا طريقتك نفسي:

استخدم اسبوعي - يومي - ٤ ساعات

ف ارسم الدعم والمقاومه على الشارت الاسبوعي

واذا المعلومات مو كافيه بالشارت

ارسمه على الفريم اللي اقل منه

🌊🕵🏻‍♂️🌪